Calo

Emang bener dah.. kate orang Kite bakalan susah & Negara jadi repot dah kalo calo masih pade kelieran di Instasi Pemerintah. Ape sebab cobe ? begini ceritenye, tempo ari dua hari yg lalu ane pan ngurus perpanjangan sim motor atau SIM C yang udah koit lewat  tige bulan. Karena sadar Sim udah mati ane buru-buru dah ngurus ke kantor SAMSAT terkait. Waktu baru sampe di kantor ntu pas di bagian perekse kesehatan ade orang nawarin jase. Die langsung aje bilang ke ane, dengan logat bataknye sambil ngomong ke ane. “Mau bikin sim baru apa perpanjang mas ? lantas ane nyaut “Mau perpanjang pak”. Trus die bilang lagi kalo die bise Bantu ngurusin. Kagetnye ane, waktu ane Tanya berape ongkosnye, die langsung nembak 350 ribu. Kontan aje ane kaga mao, ntu mah same aje pemeresan namenye, piker ane. Sebab yang ane tau kalo Cuma perpanjang SIM C paling Cuma abis 80 ribuan. Ape lagi di kantor ntu ade tulisan gede dilarang berurusan ame calo.

Dengan pedenye ane coba ngurusin sendiri. Abis perekse kesehatan trus ane masuk kekantor SAMSAT sambil nanya ame petugas jaga kalo abis perekse kesehatan ane trus kemane, petugasnye lantas tunjukin prosedurnye. Pertame ke BRI dulu setor biayanye 60 ribu trus ambil folmulir pendaftaran di loket buat di isi data pribadi, abis ngisi formulir pendaftaran serahin ke loket pendaftaran di tempat yang laen. Beres dah (gampang yeh)

Ati udah seneng banget waktu udah nyerahin formulir pendaftaran yg Cuma ngelampirin foto copy ktp, keterangan kesehatan ame bukti transfer dananye di BRI. Ternyate ngurusin SIM kage sesuseh ame seserem yg kite kire. Cuman tau kenape ane kaget pas petugas pendaftaran langsung “nembak” ane minte bayaran lagi 50 rb, katenye sih SIM C ane udah mati dendenye emang segitu sama ame yg laen. Karena duit pas-pasan akhirnye ane jadi nego ame petugasnye (kaye dagang aje). Ampe dealnye 40 rb, sambil pesen ame ane kate petugas “kamu saya Bantu, langsung saje foto tapi jangan ngomomn-ngomong yah ?. Sambil bingung ame kagum ame ntu petugas yg “bae ati” udah mo Bantu ane (katenye), trus ane ngeloyor aje ke loket foto buat diambil tampang ane yg atu-atunye paling ganteng ni (he..he..he).

Akhirnye sampe juge ane di loket pengambilan SIM baru. Sedikit  nunggu antri  panggilan name ane disebut. Waktu ane mo ambil SIMnye, piker ane mah udah kaga pake duit-diutan lagi, ternyate masih aje ada biayanye sebesar 5 ribu perak. Emang sih kaga besar tapi kalo diitung-itung 5 ribu dikaliin ratusan orang jadi berape yeh (itung aje sendiri dah). Ati puas juga sih bise ngurus SIM sendiri kaga pake calo-caloan akhirnye cumin abis 125 ribu kalo dibandingin ame calo 350 ribu, wah pokonye bede jauh dah..

Emang dasar calo..

Tag:,

About mjundi

aslibetawi rawabelong, hobby berpetualang, baca buku, olahraga, and wirausaha dll dech

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: