Hebatnya pengaruh TV buat anak-anak

Pernah tempo ari, waktu ane hadir di satu acara silaturrahim kader partai ame para tokoh masyarakat . Nyang acaranye bertempat di Ball Room Mega Mall CitraLand Grogol Jakarta barat. Ane punye cerita menarik yang ane dapet dari anak ane si farhan. Soalnye  ane ngajak istri ame dua orang anak-anak ane, Farhan nyang umurnye 4 taon setengah ame Ihya umurnye 2 taon setengah. Yah.. emang namenye bikin acara di mega mall, segale ape aje ade ame serbe mewah juge gaye-gaye ala orang gedongan.

 

 Nah..waktu kite lagi khusuk ngikutin acaranye berlangsung tau kenape tibe-tibe anak ane si farhan mo minte jajan. Karuan aje ane ame bini kudu repot ngebae-baein supaye jajannye bise di tunde ampe acaranye kelar. Emang dasar anak kecil kaga bisa di ajak kompromi terpakse dah.. ane ngalah keluar ruangan musti ngeladenin farhan jajan dulu. Tau kenape anak ane ngajak makan ke tempat restoran siap saji model Jepang ”Hoka Hoka Bento” persis kaga jauh dari tempat acara. Padahal seumur umur ane belon pernah ngajak die makan disitu ape lagi ngajarin ampe die apal namenye. Terpakse deh ane mampir ke situ, sambil makan lantas ane tanya,”farhan tau dari mana nama Hoka Hoka Bento, kan abi belon pernah ngajak makan kesini ?. dengan fasehnye die jawab,”dari TV bi”. Karoan aje ane rada kaget alias tajub. Sebab begitu hebatnye pengaruh TV ampe anak ane nyang belom faseh baca ame nulis udah mampu ngapal sesuatu cuman dari nonton TV. Emang sih..kage ade salehnye kalo cuman apal Hoka Hoka Bento tapi pegimane kalo die apal yang laen.

 

Artinye, yang ane dapet pelajaran dari anak ane nyang atu ini. Kalo iklan aje die ampe apal di luar kepale ape lagi acara-acara TV nyang laen, macem kaye sinetron, film atawe reality show nyang kebanyakan kaga ade nilai pendidikannye buat anak-anak kecil.

 

Jadi kesimpulannye, kite nih pare orang tue udah waktunye ati-ati ame acara-acara TV yang di tonton ame anak kite. Atawe paling kaga kite punye waktu buat ngedampingin anak kite waktu nonton acara TV. Mane yang pantes die liat ame didenger, mane yang kaga pantes. Sebab kalo kaga gituh bise berabe nantinnye. Kayaknye pilihan kite pare orang tue Cuma dua, mao kite yang jadi guru buat anak-anak kite dirumah atawe TV yang kebanyakan acaranye kaga pantes bakalan jadi tuntunannye. Semuanye balik lagi ame kite semua. Mudah-mudahan anak ane cuman Hoka Hoka bento nyang diapal, nyang jelek-jeleknye kaga. Insya Allah…

 

Tag:,

About mjundi

aslibetawi rawabelong, hobby berpetualang, baca buku, olahraga, and wirausaha dll dech

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: